قصيدة مؤثّرة

[حنا لبيب خوري]

قصيدة: احمد فؤاد نجم
عن احداث الاسكندرية
ينصر دينك يا بطل

...قتلت ناس عُزًّل كتير

ستات، شيوخ وكمان عيال

ازحت عنا خطر كبير

*

دي ناس بتقول الله محبه

والمحبه دي شئ خطير

إقتل بطرس وإقتل مينا

اللي إخواتهم ماتوا في سينا

واللي ولادهم رقصوا فـي فرحك

واللي فـ ميّتم بيعزّينا

*

إقتل ماري وطنط تريزا

دول ناس مافيهومشي ولا ميزه

دايمًا كده يبتسموا في وشك

ويقولوا اهلاً خطوه عزيزه

*

وإقتل برضه عمّك حنا

في اي خناقه بيحوش عنّا

غاوي يصّلح بين الناس

ولا يمكن يوّرد على جنّه

*

وإقتل سامي ناجي نجيب

اصل الإسم صراحه مريب

يمكن يطلع واحد منهم

او داقق على إيده صليب

*

ولا اقولّك...إضرب شبرا

والكيت كات وميدان الاوبرا

فجّر واحده في كل مكان

خلّي جيرانهم يصبحوا عبرا

*

لينا رب إسمه الكريم

ها يجي يوم تعرض عليه

تقف امامه و يسأل الشخص ده عملك إيه؟

بأي ذنب تقتله

وفين ومين وإزاي وليه؟

إبقى قول لي يا بطل

ها ترد يومها..

وتقول إيه؟.

وردتني بالأيميل

[ابن السريان]

سلام المسيح معك
سلمت يمناك على نقل هذه القصيدة المعبرة والرائعة
رحم الرب كل شهداء السلام والمحبة
أدام الرب عليكم الحب والعافية الدائمة
بركة الرب معك