قصيدة بلا عنوان .ألياس حلياني

[د. الياس حلياني]

الياس الحلياني
سألتني لم لا تكتب الشعر ؟ قلت لها الشعر شعور وليس كتابة وقراءة ومحاية وقلم . ورفعت التحدي ، واستجبت لتحديها ، وكتبت ، ولكن بلا عنوان . قلت لها ضعي العنوان الذي تحبين ، وشاركيني ، لأني آمنت منذ بدء الخليقة ، أن الشراكة أفضل من الوحدة--
قصيدة بلا عنوان
بتتذكري يا فلانة لما كنت أسألك------
... القعدة أحلى تحت البلوطة---
ولا تحت السنديانة---
كنتي تضحكي وتضحكي—
وتقولي---
يا ملعون بفهم شو بدك---
بس امي لسه صحيانة---

بتتذكري يا فلانة -----
الزيتونة والرمانة----
والعنبة---
والتينة المليانة---
وقلوب محروقة----
وعيون جوعانة----
ولمسة حنونة----
وصرخة مكنونة---

والشجرة الحنونة لو بتحكي----
بتقول شو كان يصير---
بين الغصن والليمونة-----آه يا مجنونة----

قلتيلي صعبة أنساك---من زغري قلبي يهواك----
كنتي فيي مجنونة----
وتنامي جوار عيوني-----
وعلى روحي كنتي بتموني----
وبحضني كنتي دايما بتتمني تكوني----

وما بعرف بعدين شوصار----
قلتي راجعة-----
وطال المشوار-----
بتذكر لهلق -----
وعدتيني وقلتي بكرا بلاقيك----
خلف التنور الخربان---
طلع الضو وصاح الديك----
ما جيتي صفيت قلقان---
طاروا جيجات علي الديك-----
وقاقوا—
وكل أهل الضيعة فاقوا---تأخرتي وموعدنا راح---
ورفرف ديك الحارة وصاح----
طلع ضو الصبح ولاح---
وانا ناطر وكلي جراح----
ع الموعد ليش ما جيتي----
تأخرتي ليش ما حكيتي----

وطال الزمن ومضى العمر-----
وما فيني ازعل منك---
متل عيوني لأنك---
رح ضل دافع عن حبك----
بضافيري وبعض سنان---

[ابن السريان]

سلام الرب معك
أخي الغالي ألياس
أنها قصيدة رائعة تحمل في طياتها صور ومواقف رومانسية ومشاعر جياشة
فكما أنت بارع في المقالات السياسية أراك تبحر في الشعر بشكل مبدع
بركة الرب معك