الحياه الي عايشين فيها وصفناها بكلام كتير وسمعنا الها كل انواع الوصف الغداره ، الصعبه ، الظالمه ،...... وغيرو كتير
بس في صفه كتير بتتردد وكتير بنحس فيها اذا مو كلنا معظمنا حس فيها بلحظه من لحظاته
لما قالوا الحياه مسكره ( مقفله ) كل الاابواب الي فيها تسكرت
لما يحكوا ظلمة الدنيا بوجهي ويكون الانسان تايه وضايع ومو يعرف ايش يعمل
لما نتعرض لموقف فوق استيعابنا وتصورنا وماله اي تفسير منطقي النا ولا لغيرنا
كل هاي حالات بتحكي عن موقف فقد الامل واستنفاد الخيارات
ما نمر بهيك موقف شو المفروض نعمل وكيف لازم نتعامل مع هيك موقف اكيد عدينا منه واكيد نسيناه وقدرنا نهزم الضعف الي صابنا وقتها
موضوعي مطروح لابداء الراي بكل صراحه واعطاء النصائح والتجارب الخاصه لكل انسان ممكن يفقد الامل في لحظه
ينهز ايمانه وثقته في نفسه بوقت من الاوقات وتظلم الدنيا بوجهه وما يعرف شو يعمل
السؤال :
كيف نتغلب على فقد الامل ؟؟؟ وكيف انت قدرت تنتصر عليه؟؟؟؟
انتظر ردودكم