رسالة من بغداد الى كل العراقين ** منير قطا

[munir_qutta54]

رسالة من بغداد الى كل العراقين

أحس روحي غريبة هنا من يوم التركتوني

تانيت سنين ودهر حتى ترجعولي

ثاري العمر كله انكضه وانتم هجرتوني

لميت جروح القلب ونشفت دموعي

وبثوب الحزن غنيت يالرحتواسمعوني

بغداد ذكروني أبوكت وكلمة اكتبوني

مريت وكت العصر ,, متعني يم حمود

خدرلي جاي وبجه ,, وسولف سوالف سود

كال أنته من ياسلف ,, كتله أبفرات الجود

دورته بالخارطه لن الوطن مفقود

ومريت للمدرسه اتأمل الطلاب

شو شفت طالب بجه وحط بين اديه كتاب

بيه خارطة للوطن وعيونه كله عتاب

كتله ابني كافي البجي بالصف تره ممنوع

يابويه بعدك طفل وتبجي بجي مفجوع

كال انه بالخارطه الكيت الوطن مبيوع

متواعد ويه الفرح

والوعد صارله سنين

لامر عليه بحلم

ولاشفته شوف العين

ناشدت وين الفرح ؟

كالولي متأسفين

ممنوع هسه الفرح ,, عن كل العراقيين

عموري أبني طلع مارد اله يومين

سألت كل البشر عموري أبني وين

كلمن يجاوب شكل زين الجواب وشين

واحد يكول معتقل يطلع بعد سنتين

واحد حجالي عمر اعرف طريقه منين

وداني للمشرحه وكالي دور على أبنك هين

ولكيت 100 عمر ولكيت 100 حسين

ولكيت كل الوطن يلطم على الخدين

مادام نبجي سوى منهو الكتل ألأثنين

مادام نبجي سوى منهو الكتل ألأثنين

ندعي سوه وأحنه بهل الشدة ,, ربي كل باب حزن مفتوح رده

وكل تدفق دم ياربي سده ,, وكافي ياموت سيفك كاعد اتحده

مو صبرنا بصبر ايوب وجده ,, وصبرنه سنين تره وصل حده

مد يافرح شوي فراشك مده

شو امكطع خيوطك وجم عكدة وعكدة

آخ شكد جثث بعد تحملين ياسده

وشكد يافرات شوكك لدجله

حزني جبير وماواصل حزن كده

واذا في يوم الدمع نكر خده ,, واذا في يوم البحر نكر مده

واذا في يوم الشتا نكر برده

والصيف صار الثلج عنده ,, ماأنسى العراق ولا أنسى شمته

يكلولي بس الموت هذا العراق عده

اموت بحضن العراق تره ماكو وطن بعده

لا والله ماكو وطن بعده

احلى شي أبغداد لمن يصير غروب

فوق الجسر تمشى أنته والمحبوب

ودجله تحضنك حضن وتحس العمر مافات

وشكد حلوه لمت هلك وياهم تتعشى بالكريعات

ولو تجي وتفتر بعد وتدخل على المنصور

طيبة وحنان وعشق واحلى طيور

والعيد عدنه حلو الله ياعيدي

يلله *** خل نقارن سوه !!

وايدك تضل بيدي ** !** !

ايفل وبرجه ** وبك بن واهله

ومول الامارات وابن بطوطه

واهل لندن وكل تكساس

يرحون فدوه ونذر لشارع ابو نؤاس

(( وصلت لي عن طريق الايمل فبكيت بحسرة دمعة الحب المفقود لبغداد وناشدت كل انسان على ان يسمع

ويقرئ رسالة من بغداد الى كل العراقيين ليرد عليها بحبه وينطيه بوزن اصغر دمعه وياألف وسفه عليج يابغداد

وسفه ***** ))


سلام الرب معك

منير قطا

[ابن السريان]

قصيد يبجي الكلب قبل العين
تراه مذبوح والعالم بوجهين
ما همو يعقوب ولا حسنين
المهم النفط يجي من وين
الرب يبارك فيك على نقل هذه القصيدة الرائعة
المفعمة بالحب والقهر والعشق لبغداد العراق
بركة الرب معك
أخي الحبيب منير

[munir_qutta54]

تحياتي مع الاشواق يااخي سمير لانك دوما انت السباق

بردودك فيارب يعطيك الصحه 00 احترامي 0

سلام الرب معك

منير قطا

[بنت السريان]

بالله عليك هوّن عليّ قليلاً
أججت في الحشا ناراً وأرديتني قتيلاً
هيّجت أشواقي وعلا صوتي نحيباً
أُفّيش يا العراق أبعدوني عنّك غصباً
بالغربة ضاقت ضلوعي هجروني قسراً
منير ولّعت النار بقلبي يا خوي هذا العراق علما
رغم انف المعتدين يبقى في السماء مرفرفا
يجي يوم ونرجع ونشوف العراق فوق رؤوس الرفاق عالياً
والكل يهتف لم ولن يسقط العراق ارضاً


قصيدتك من اروع القصائد بوركت يا اخي بالمسيح
بنت السريان

[munir_qutta54]

نعم للعراق ونعم لبلد النهرين دجلة والفرات ونعم لردك الذي بالحق تمزقت أحاسيسي وحبي

لبلدي الراقي القوي بشعبه رغم أنه جريح لكنه كل يوم هو وليد الساعة بالعطاء والدليل شموخه

العالي ضد المعتدين الجرذان الغزاة ومن من معهم العملاء أجيري الورقة الخضراء فيارب تصل

دعوتي مع دعوتكي عنده ودعوة كل الخيرين في العالم كي يزيح هذه الغمة السوداء وينال هذا

الشعب حريته ويتطعم بنعمة الرب الكريمه ليسير مع عجلة الزمن بالابداع الناتج من الحب وبالحب

أنهي لك ردي المتواضع يالغاليه ** عراقيه أنت وبنت السريان أنت وأروع أم أنت لانك أم عراقيه

وطنيه **** تحياتي مع الاحترام 0
سلام الرب معك