munir_qutta54
مشرف
مشاركات: 262 اشترك في: الأحد مايو 30, 2010 9:39 pm
مشاركة غير مقروءة
بواسطة munir_qutta54 » الخميس سبتمبر 23, 2010 2:30 pm
رسالة من بغداد الى كل العراقين
أحس روحي غريبة هنا من يوم التركتوني
تانيت سنين ودهر حتى ترجعولي
ثاري العمر كله انكضه وانتم هجرتوني
لميت جروح القلب ونشفت دموعي
وبثوب الحزن غنيت يالرحتواسمعوني
بغداد ذكروني أبوكت وكلمة اكتبوني
مريت وكت العصر ,, متعني يم حمود
خدرلي جاي وبجه ,, وسولف سوالف سود
كال أنته من ياسلف ,, كتله أبفرات الجود
دورته بالخارطه لن الوطن مفقود
ومريت للمدرسه اتأمل الطلاب
شو شفت طالب بجه وحط بين اديه كتاب
بيه خارطة للوطن وعيونه كله عتاب
كتله ابني كافي البجي بالصف تره ممنوع
يابويه بعدك طفل وتبجي بجي مفجوع
كال انه بالخارطه الكيت الوطن مبيوع
متواعد ويه الفرح
والوعد صارله سنين
لامر عليه بحلم
ولاشفته شوف العين
ناشدت وين الفرح ؟
كالولي متأسفين
ممنوع هسه الفرح ,, عن كل العراقيين
عموري أبني طلع مارد اله يومين
سألت كل البشر عموري أبني وين
كلمن يجاوب شكل زين الجواب وشين
واحد يكول معتقل يطلع بعد سنتين
واحد حجالي عمر اعرف طريقه منين
وداني للمشرحه وكالي دور على أبنك هين
ولكيت 100 عمر ولكيت 100 حسين
ولكيت كل الوطن يلطم على الخدين
مادام نبجي سوى منهو الكتل ألأثنين
مادام نبجي سوى منهو الكتل ألأثنين
ندعي سوه وأحنه بهل الشدة ,, ربي كل باب حزن مفتوح رده
وكل تدفق دم ياربي سده ,, وكافي ياموت سيفك كاعد اتحده
مو صبرنا بصبر ايوب وجده ,, وصبرنه سنين تره وصل حده
مد يافرح شوي فراشك مده
شو امكطع خيوطك وجم عكدة وعكدة
آخ شكد جثث بعد تحملين ياسده
وشكد يافرات شوكك لدجله
حزني جبير وماواصل حزن كده
واذا في يوم الدمع نكر خده ,, واذا في يوم البحر نكر مده
واذا في يوم الشتا نكر برده
والصيف صار الثلج عنده ,, ماأنسى العراق ولا أنسى شمته
يكلولي بس الموت هذا العراق عده
اموت بحضن العراق تره ماكو وطن بعده
لا والله ماكو وطن بعده
احلى شي أبغداد لمن يصير غروب
فوق الجسر تمشى أنته والمحبوب
ودجله تحضنك حضن وتحس العمر مافات
وشكد حلوه لمت هلك وياهم تتعشى بالكريعات
ولو تجي وتفتر بعد وتدخل على المنصور
طيبة وحنان وعشق واحلى طيور
والعيد عدنه حلو الله ياعيدي
يلله *** خل نقارن سوه !!
وايدك تضل بيدي ** !** !
ايفل وبرجه ** وبك بن واهله
ومول الامارات وابن بطوطه
واهل لندن وكل تكساس
يرحون فدوه ونذر لشارع ابو نؤاس
(( وصلت لي عن طريق الايمل فبكيت بحسرة دمعة الحب المفقود لبغداد وناشدت كل انسان على ان يسمع
ويقرئ رسالة من بغداد الى كل العراقيين ليرد عليها بحبه وينطيه بوزن اصغر دمعه وياألف وسفه عليج يابغداد
وسفه ***** ))
سلام الرب معك
منير قطا
munir_qutta54
ابن السريان
مدير الموقع
مشاركات: 4439 اشترك في: الخميس إبريل 23, 2009 4:36 pm
مشاركة غير مقروءة
بواسطة ابن السريان » الخميس سبتمبر 23, 2010 5:00 pm
قصيد يبجي الكلب قبل العين
تراه مذبوح والعالم بوجهين
ما همو يعقوب ولا حسنين
المهم النفط يجي من وين
الرب يبارك فيك على نقل هذه القصيدة الرائعة
المفعمة بالحب والقهر والعشق لبغداد العراق
بركة الرب معك
أخي الحبيب منير
أخوكم: أبن السريان
موقع نسور السريان
بنت السريان
مراقب عام
مشاركات: 715 اشترك في: الجمعة يناير 15, 2010 9:27 pm