يارب ايه هيّة الحكاية ... في كل يوم لينا ضحايا ...
موش بعاتبك عللى صار ... أو ليّة عليك شكاية ...
*************
بس عايزك تبقى جنبي ... وأنا بأودع حبايبي ...
تمسحلي دموع عيوني ... وتخفف عن قلبي قساية...
************
دم عرسان وعرايس ... غطا جدران الكنايس ...
زي دمك يوم ماسال ...لأجل تغفر ليّ خطاية ...
************
والعيال من كل جيل ... وعجوزة فاتحة الانجيل ...
اقبلني يا رب بملكوتك ... وآدي كانت آخر قراية ...
************
جيت عشان تشفي الجروح ... ولأجل تفدي كل روح ...
واللي قبلك وحامل اسمك ... حسبوها ليه جناية ...
***********
زنبنا اننا أولاد محبة ... وكل الشعوب لينا أحبة ...
ليه كرههم يزداد علينا ... عايزن نكون ليهم سبايا ...
**********
ربي ألجأ لك وعارف ... انك تشجع كل خايف ...
تملا له قلبه بألأمان .... وتثبته فيك للنهاية ...
*********
وأديني بأرفع صلاتي ... دلوقتي وليوم مماتي ...
تهدي عدوي لطريقك ... وأشوفه في ألسما معاية ...
***************
يوسف الياس متى .عيلبون ألأراضي ألمقدسة