يا خوفي من الي جاي ( يوسف الياس متى )
مرسل: الأربعاء مارس 16, 2011 8:55 pm
يا خوفي من الي جاي اللي راح احنا عارفينه
خد معاه اللي خده نسيبه لربنا وهوه حيدينه
هوة اللي حسابه عسير ويومها مين راح يعينه
دة مال الدنيا في الدنيا ومنها ايه الي ماخدينه
******************
لكني أنا قلقان وألوضع ماهواش مأمون
هتفنا زمان للي كان وحنهتف للي ايكون
واللي تفتكره موسى تلاقيه بقى فرعون
تسلم له كل امورك وهوه ياعيني يخون
*****************
دي ألمسؤلية عبادة للي يخاف ويتقي ربه
موش منصب لهلابة وللي همه على بطنه
ينهب بقوت الشعوب وهيّ بالعالي تهتفله
يحيا.. يعيش على طول ويحكمنا طول عمره
*****************
لكن دة ألزمن دوار والدنيا مالهاش أمان
والجبل الوديع الأخضر فجأة يتقلب بركان
والوحش الي بينهشك بألأصل كان انسان
الكره عمى عينية والحب ملقاش بقلبه مكان
*****************
ليه الي طعميته بمحبة يعضني كدة بايدي
واللي حميته بروحي يكون سبب بتهديدي
يفرح لدموع عيوني ويئذيني في يوم عيدي
ربي أنا اتكلت عليه ولا حدش سواه سيدي
****************
يوسف الياس متى : عيلبون . ألأراضي ألمقدسة .