ܨܒܘܼܬܐ ܪܰܒܬܐ

ܨܒܘܼܬܐ ܪܰܒܬܐ

ܟܠ ܨܒܘܼܬܐ ܩܳܝܡܳܐ ܥܰܠ ܬܠܳܬܐ ܬܘ̈ܢܳܝܐ.

ܬܘܼܢܳܝܐ ܩܰܕܡܳܝܐ ܕܝܼܠܝ ܗ̱ܘ. ܘܩܐܳܡ ܒܓܰܒܳܐ ܘܨܰܘܒܐ ܕܕܝܼ̈ܠܝܳܬܝ ܡܝܰܩ̈ܢܳܢܝܳܬܐ.

ܘܬܘܼܢܳܝܐ ܬܪܰܝܢܐ ܕܝܼܠܟ ܗ̱ܘ. ܘܩܳܐܡ ܒܓܰܒܳܐ ܘܨܰܘܒܐ ܕܕܝܼ̈ܠܝܳܬܟ ܡܝܰܩ̈ܢܳܢܝܳܬܐ.

ܕܝܼܠܝ ܘܕܝܼܠܟ ܒܨܝܼܪ ܘܰܡܚܝܼܠ ܘܰܙܥܘܪ. ܘܒܰܙܒܰܢ ܦܰܕܝܼܕ ܘܰܫܢܺܝܼܙ ܘܰܙܠܝܼܡ.

ܘܕܝܼܠܟ ܘܕܝܼܠܝ ܒܨܝܼܪ ܘܰܡܚܝܼܠ ܘܰܙܥܘܪ. ܘܒܰܙܒܰܢ ܦܰܕܝܼܕ ܘܰܫܢܺܝܼܙ ܘܰܙܠܝܼܡ.

ܒܪܰܡ ܨܒܘܼܬܐ ܪܰܒܬܐ ܥܶܠܳܝ ܡܼܢ ܕܝܼܠܝ ܘܕܝܼܠܳܟ. ܘܩܳܝܡܳܐ ܥܰܠ ܫܪܳܪܐ ܚܰܬܝܼܬܐ ܘܰܬܪܝܼܨܳܐ ܘܪܰܒܳܐ. ܗܳܢܐ ܕܰܡܢܰܟܪܰܝ ܡܼܢ ܣܰܢܝ̈ܳܬܐ. ܘܰܓܡܝܼܪ ܘܬܰܡܝܼܡ ܛܳܒ ܡܼܢ ܕܝܼܠܝ ܘܕܝܼܠܳܟ. ܘܟܺܐܢ ܘܩܘܼܫܬܳܢ ܝܰܬܝܪ ܡܼܢ ܬܘܼܢܳܝܐ ܕܰܫܪܳܪܐ ܕܝܼܠܝ ܘܕܝܼܠܟ.

ܘܐܶܢܐ ܘܐܢ̱ܬ ܥܳܫܢܝܼܢܢ ܘܡܶܬܚܰܝܠܝܼܢܢ ܒܬܘܼܢܳܝܐ ܕܝܼܠܢ ܟܕ ܬܪ̈ܰܝܢ ܐܰܟܚܰܕ ܩܳܛܦܝܼܢܢ ܚܰܝܠܐ ܡܼܢ ܫܪܳܪܐ ܚܰܬܝܼܬܐ ܕܰܨܒܘܼܬܐ ܪܒܬܐ.

ܘܐܘܪܚܗ̇ ܡܰܢ ܕܰܨܒܘܼܬܐ ܪܒܬܐ ܠܐ ܡܬܦܰܫܩܐ ܘܐܳܦܠܐ ܡܶܬܢܰܩܠܐ ܐܠܐ ܒܒܘܼܝܳܢܐ ܘܣܘܼܟܳܠܐ ܕܝܼܠܝ ܘܕܝܼܠܳܟ. ܘܡܶܬܥܰܪܡܳܐ ܘܡܶܬܥܰܣܩܳܐ ܩܶܨܰܬ ܠܐ ܡܶܣܬܰܟܠܳܢܘܼܬܢ. ܘܰܓܠܝܼܙܘܼܬ ܢܘܼܗܪܐ ܕܰܫܪܳܪܐ ܪܰܒܐ.

ܡܶܟܳܐ ܓܶܕ ܢܶܕܪܘܿܫ ܘܢܶܪܕܐ ܒܐܘܼܪܚܳܐ ܕܰܫܪܳܪܐ ܪܰܒܐ ܗܳܝ ܕܢܳܗܪܳܐ ܘܒܳܗܪܳܐ ܒܕܘܼܒܳܪ̈ܐ ܡܝܰܬܪ̈ܐ ܕܐܶܢܰܚܢܳܝܘܼܬܐ ܘܰܬܟܝܼܠܘܼܬܐ. ܘܚܳܫܟܳܐ ܘܥܳܡܛܳܐ ܒܕܘܼܒܳܪ̈ܐ ܣܢܰܝ̈ܐ ܕܐܶܢܳܢܝܘܼܬܐ ܘܰܨܢܝܼܥܘܼܬܐ.

ܕܐܳܡܰܪ ܦܘܼܡܳܐ ܡܰܚܝܳܢܐ: «ܐܢܐ ܐܢܐ ܐܘܪܚܐ ܘܫܪܪܐ ܘܚܝ̈ܐ» (ܝܘܚܢܢ 14: 6).

ܝܘܣܦ ܒܓܬܫ

ܚܘܕܪܐ ܕܡܪܕܘܢܬ ܘܣܦܪܝܘܬܐ ܕܠܫܢܐ ܣܘܪܝܝܐ: ܡܪܕܝܢ