ܪܶܫܡܳܐ ܘܦܽܘܼܪܥܳܢܳܐ

ܪܶܫܡܳܐ ܘܦܽܘܼܪܥܳܢܳܐ

ܐܳܣܰܘ̈ܳܬܳܐ ܨܳܪ̈ܽܘܿܝܶܐ ܡܿܰܢ ܩܰܕܡܳܝܰܬ ܡܬܰܢܒܺܝܼܢ ܟܶܐܡܰܬ ܡܰܕܡܟܺܝܼܢ ܒܳܬܰܪܟܶܢ ܡܫܰܡܠܶܝܢ ܠܬܰܥܒܶܕܬܳܐ ܕܦܰܓܪܳܐ. ܐܶܠܳܐ ܒܪܰܡ ܡܶܛܽܠ ܬܰܥܒܶܕܬܳܐ ܕܪܽܘܼܚܳܐ ܗܽܘܼ ܒܰܪܢܳܫܳܐ ܣܢܺܝܼܩ ܗ̱ܽܘ ܠܡܶܬܬܥܺܝܼܪܳܢܽܘܼܬܳܐ ܘܥܺܝܼܪܽܘܼܬܳܐ ܦܳܪܽܘܿܫܬܳܐ. ܒܰܕ ܐܰܝܢܳܝܽܘܼܬܳܐ ܐ̱ܢܳܫܳܝܬܳܐ ܠܳܐ ܬܳܩܢܳܐ ܘܐܳܦܠܳܐ ܓܳܡܪܳܐ ܐܶܠܳܐ ܒܚܽܘܼ̈ܟܳܡܶܐ ܕܪܽܘܼܚܳܐ ܘܡܰܕܥܳܐ ܚܠܺܝܼܡܳܐ.  

ܐܰܝܟܰܢܳܐ ܬܳܩܢܺܝܼܢܰܢ ܘܓܳܡܪܺܝܼܢܰܢ ܟܰܕ ܠܳܐ ܥܳܨܒܺܝܼܢܰܢ ܡܰܪ̈ܥܰܝܢ ܢܰܦܫ̈ܳܢܳܝܶܐ ܒܝܽܘܼܠܦܳܢܳܐ ܨܠܺܝܼܠܳܐ ܕܰܡܫܺܝܼܚܳܐ ܘܣܽܘܼܟܳܠܶܐ ܡܠܺܝܼܠܳܐ ܕܡܰܪܕܽܘܼܬܰܢ؟

ܠܦܽܘܼܬ ܛܽܘܼܟܳܣܳܐ ܣܢܺܝܼܩܳܐ ܠܰܝܬ ܥܽܘܼܕܪܳܢܳܐ ܕܡܶܬܩܰܪܰܒ ܠܰܐ̱ܚܪ̈ܳܢܶܐ ܕܠܳܐ ܗܳܦܶܟ ܒܝܽܘܼܬܪ̈ܳܢܶܐ ܐ̱ܚܪ̈ܳܢܶܐ. ܒܰܕ ܡܶܬܥܰܕܰܪ ܗܿܰܘ ܕܰܡܥܰܕܰܪ. ܘܒܰܪܢܳܫܳܐ ܠܢܰܦܫܶܗ ܡܥܰܕܰܪ ܟܰܕ ܩܳܐܶܡ ܒܥܽܘܕܪܳܢܳܐ ܕܰܐ̱ܚܪ̈ܳܢܶܐ. ܡܛܠܗܕܐ ܡܶܫܬܰܪܒܰܙ[1] ܘܡܶܫܬܰܦܰܠ ܘܡܶܬܥܰܪܙܰܠ ܚܰܘܪܳܐ ܘܩܰܘܡܳܐ ܘܕܰܘܪܳܐ ܘܨܰܘܒܳܐ ܘܬܰܘܒܳܐ ܕܗܿܰܘ ܕܣܳܪܰܚ ܘܕܳܐܶܫ ܢܳܡܽܘ̈ܣܶܐ ܕܛܽܘܼܟܳܣܳܐ ܣܢܺܝܼܩܳܐ ܘܣܳܩܰܪ ܘܫܳܐܶܛ ܬܰܥܕܺܝܼܪܳܐ ܕܣܢܺܝܼܩܽܘܼܬܳܐ.

ܦܽܘܼܪܥܳܢܳܐ ܠܐ ܗܳܘܶܐ ܐܶܠܳܐ ܠܦܽܘܼܬ ܛܳܒܽܘܼܬ ܒܽܘܝܼܳܢܳܐ ܘܢܺܝܼܫܳܐ ܘܥܰܡܠܳܐ.

ܡܶܟܳܐ ܪܶܫܡܳܐ ܕܺܝܼܠܝ ܗܳܘܶܐ ܠܦܽܘܼܬ ܪܶܓܫܳܐ ܘܣܽܘܼܟܳܠܳܐ ܘܥܰܡܠܳܐ ܕܺܝܼܠܝ.

ܘܪܶܫܡܳܐ ܕܺܝܼܠܳܟ ܗܳܘܶܐ ܠܦܽܘܼܬ ܪܶܓܫܳܐ ܘܣܽܘܼܟܳܠܳܐ ܘܥܰܡܠܳܐ ܕܺܝܼܠܳܟ.

ܘܪܶܫܡܳܐ ܕܺܝܼܠܶܟܝ ܗܳܘܶܐ ܠܦܽܘܼܬ ܪܶܓܫܳܐ ܘܣܽܘܼܟܳܠܳܐ ܘܥܰܡܠܳܐ ܕܺܝܼܠܶܟܝ.

ܘܪܶܫܡܳܐ ܕܺܝܼܠܶܗ ܗܳܘܶܐ ܠܦܽܘܼܬ ܪܶܓܫܳܐ ܘܣܽܘܼܟܳܠܳܐ ܘܥܰܡܠܳܐ ܕܺܝܼܠܶܗ.

ܘܪܶܫܡܳܐ ܕܺܝܼܠܳܗܿ ܗܳܘܶܐ ܠܦܽܘܼܬ ܪܶܓܫܳܐ ܘܣܽܘܼܟܳܠܳܐ ܘܥܰܡܠܳܐ ܕܺܝܼܠܳܗܿ.

ܘܪܶܫܡܳܐ ܕܺܝܼܠܰܢ ܗܳܘܶܐ ܠܦܽܘܼܬ ܪܶܓܫܳܐ ܘܣܽܘܼܟܳܠܳܐ ܘܥܰܡܠܐ ܕܺܝܼܠܰܢ.

ܡܳܕܶܝܢ ܬܰܘܕܺܝ ܠܛܳܒܽܘܼܬ ܬܰܪܥܺܝܼܬܳܐ ܕܦܳܪܽܘܿܥܳܐ ܫܦܺܝܼܥܳܐ ܘܝܳܗܽܘܿܒܳܐ ܦܨܺܝܼܚܳܐ!

ܒܰܕ ܠܦܽܘܼܬ ܛܽܘܼܟܳܣܳܐ ܣܢܺܝܼܩܳܐ ܟܰܟܪܳܐ ܕܡܶܬܛܰܡܪܳܐ ܒܳܨܪܳܐ ܘܠܳܐ ܡܶܬܬܰܓܪܳܐ. ܘܛܰܝܒܽܘܼܬܳܐ ܕܡܶܬܟܰܫܝܳܐ ܚܳܣܪܳܐ ܘܠܳܐ ܡܶܬܩܰܢܝܳܐ. ܘܐܰܡܺܝܼܢܳܐܝܼܬ ܚܳܨܕܺܝܼܢܰܢ ܗܿܰܘ ܡܳܐ ܕܙܳܪܥܺܝܼܢܰܢ. ܘܰܒܚܰܪܬܶܗ ܕܝܰܘܡܳܐ ܡܶܬܩܰܒܪܺܝܼܢܰܢ ܒܥܰܦܪܳܐ ܕܬܺܐܪܬܰܢ.

ܝܰܘܣܶܦ ܒܶܓܬܰܫ. ܡܪܕܝܢ

[1]ܫܰܪܒܶܙ ܡܶܠܬܳܐ ܗ̱ܝ ܕܰܕܪܺܝܼܫܳܐ ܒܰܬܪ̈ܰܝܗܽܘܿܢ ܠܶܥܙ̈ܶܐ ܣܘ̈ܳܕܳܝܶܐ ܕܠܶܫܳܢܳܐ ܣܽܘܼܪܝܳܝܳܐ. ܟܶܐܡܰܬ ܒܣܽܘܼܪܰܝܬ ܡܰܥܪܒܳܝܳܐ ܘܣܽܘܼܪܺܝܼܬ ܡܰܕܢܚܳܝܳܐ. ܘܡܶܣܬܰܒܪܳܐ ܕܰܚܫܺܝܼܠܳܐ ܡܼܶܢ ܡܶܠܰܬ ܒܰܙ ܥܦܺܝܦܰܬ ܫܶܪܫܳܐ ܥܰܠ ܟܰܝܠܳܐ ܪܒܺܝܼܥܳܝܳܐ. ܘܰܠܩܺܝܼܛܳܐ ܘܰܕܪܺܝܼܫܳܐ ܠܡܶܬܰܠ ܣܽܘܼܟܳܠܐ ܥܳܗܢܳܝܳܐ  ܒܰܨܒܽܘܼܬ ܚܽܘܼܒܳܠ ܬܽܘܼܩܳܢܳܐ ܓܰܘܳܝܳܐ:    Savrulmak / Dağılmak / Sarsılmak / Distraught / To Drift / To Fall apart

ܡܶܠܬܳܐ ܘܠܶܫܳܢܳܐ

ܡܶܠܬܳܐ ܘܠܶܫܳܢܳܐ

ܦܬܺܝܼ̈ܟܺܝܼܢ ܘܰܦܪ̈ܺܝܼܫܽܝܼܢ ܐ̱ܪ̈ܳܙܶܝܗܿ ܕܡܶܠܬܳܐ. ܘܢܳܬܰܥ ܝܽܘܼܩܪܳܗܿ ܒܪ̈ܽܘܼܫܡܶܝܗܿ ܕܣܶܦܪܳܝܽܘܼܬܳܐ. ܐܶܠܳܐ ܟܰܕ ܦܰܘܕܳܐܝܬ ܡܶܬܡܰܫܚܳܐ ܐܰܘ ܡܶܬܦܰܫܩܳܐ܆ ܣܳܪܚܳܐ ܠܬܰܪܥܺܝܼܬܐ ܘܬܰܪܒܺܝܼܬܳܐ ܕܒܰܪܢܳܫܳܐ. ܒܰܕ ܠܶܫܳܢܳܐ܆ ܡܰܣܰܐܬܰܐ ܗ̱ܘ ܕܡܶܠܬܳܐ ܘܡܰܠܳܚܰܐ ܗ̱ܘ ܕܬܰܪܥܺܝܼܬܳܐ. ܘܰܟܪܽܘܼܡܶܗ܆ ܡܚܰܘܝܳܢܰܐ ܗ̱ܘ ܕܡܰܪܕܽܘܼܬܐ ܕܟܳܬܽܘܿܒܳܐ. ܒܪܰܡ ܣܽܘܼܠܓܳܣܳܐ ܬܒܺܝܼܪܳܐ ܡܰܚܙܺܝܼܬܰܐ ܗ̱ܘ ܕܗܰܘܢܳܐ ܒܠܺܝܼܠܐ.

ܩܶܪܝܳܢܳܐ ܫܰܪܺܝܼܪܳܐ ܠܰܝܬܰܘܗܝ ܒܰܠܚܽܘܿܕ ܟܽܘܼܢܳܫܳܐ ܐܰܘ ܩܽܘܼܒܳܝܳܐ ܕܝܕܰܥܬܳܐ. ܐܶܠܳܐ ܐܳܦ ܚܳܫܰܚ ܘܐܳܙܶܠ ܠܫܽܘܼܦܳܝܳܐ ܕܪܶܥܝܳܢܳܐ ܘܕܽܘܼܟܳܝܳܐ ܕܠܶܒܳܐ ܒܗܳܠܶܝܢ ܕܫܽܘܼܟܠܳܠܳܐ ܓܰܘܳܝܳܐ. ܡܶܟܳܐ ܟܽܠ ܚܰܘܩܳܐ ܐܰܘ ܦܳܣܽܘܿܩܳܐ ܕܡܶܬܩܪܶܐ ܡܰܨܝܳܐ ܕܢܶܒܢܶܐ ܐܰܘ ܕܢܶܗܘܶܐ ܠܶܒܢܳܐ ܚܕܰܬܳܐ ܒܬܽܘܼܩܳܢܳܐ ܕܬܰܪܥܺܝܼܬܳܐ ܨܠܺܝܼܠܬܳܐ.

قراءة المزيد