ܡܰܚ̈ܒܢܐ ܚܦܺܝ̈ܛܐ ܘܣܰܖ̈ܒܳܢܐ ܣܡܺܝܼ̈ܟܐ
ܡܰܚ̈ܒܢܐ ܚܦܺܝ̈ܛܐ ܘܣܰܖ̈ܒܳܢܐ ܣܡܺܝܼ̈ܟܐ
ܕܡܰܪܕܘܼܬܐ ܘܣܶܦܪܳܝܘܼܬܐ ܕܠܫܳܢܐ ܣܘܪܝܝܐ܆ ܝܩܝܖ̈ܝ ܒܟܠ.
ܚܘܒܐ ܘܐܝܩܪܐ ܘܫܠܡܐ ܒܡܪܢ:
ܦܘܼܪܣܐ ܗ̱ܘ ܛܒܐ ܕܰܢܛܰܝܒ ܚܢܰܢ ܠܰܢ ܕܢܬܝܼܠܕ ܡܫܺܝܼܚܐ: ܡܰܟܝܼܟܐ ܘܫܰܦܝܼܪܳܐ ܘܢܰܗܝܪܳܐ ܘܬܰܡܝܼܡܳܐ ܒܰܡܥܰܪܬܐ ܕܚܘܼ̈ܫܳܒܐ ܘܕܘܼܒܳܖ̈ܐ ܘܗܘܼܦ̈ܟܐ ܠܰܡܬܰܪܣܳܝܘ ܒܪܢܳܫܳܐ ܓܰܘܳܝܳܐ ܒܣܘܼ̈ܟܳܠܐ ܡܬܒܰܥ̈ܝܢܐ ܕܒܰܪܢܳܫܳܐ ܚܰܕܬܐ ܗܳܢܳܐ ܕܡܶܛܠܬܗ ܡܰܟ ܘܐܶܬܝܼܠܕ ܒܐܘܪܝܳܐ ܕܒܝܬ ܠܚܡ.
ܪܰܒܬ ܒܰܣܝܼܡ ܘܰܚܠܐ ܕܘܟܪܢ ܡܰܘܠܕܐ ܐܠܗܳܝܐ ܗܳܢܐ ܕܰܟܡܐ ܕܡܬܥܰܦܦ ܝܬܝܪ ܚܳܠܐ ܘܒܳܣܡ ܛܰܥܡܗ. ܘܡܰܪܘܰܚ ܘܰܡܢܝܼܚ ܠܶܒܘ̈ܬܐ ܒܰܫܠܡܗ ܡܩܰܘܝܳܢܐ. ܘܰܡܫܰܡܠܐ ܒܰܫܪܪܐ ܕܣܘܼܟ̈ܠܰܘܗܝ ܡܶܫܬܰܦ̈ܥܳܢܐ ܗܿܳܢܘܢ ܕܓܳܡܪܝܼܢ ܘܩܳܒܥܝܼܢ ܒܰܪܢܳܫܐ ܒܚܰܘܪܳܐ ܘܨܰܘܒܐ ܛܳܒܐ ܠܡܶܣܦܰܩ ܠܢܰܦܫܗ ܘܠܐܚܖ̈ܢܐ ܚܰܢܝܼܢܳܐܝܬ ܘܚܰܟܝܼܡܐܝܬ.
ܡܟܐ ܘܒܖ̈ܓܫܐ ܚܘܝ̈ܚܐ ܕܚܰܕܘܐ ܕܝܠܕܐ ܚܘܼܒܳܢܐܝܬ ܘܰܡܝܰܩܪܳܢܐܝܬ ܥܘܕ̈ܥܳܕܐ ܘܒܘܼܖ̈ܟܐ ܡܩܰܪܒ ܘܡܰܘܫܛ ܐ̱ܢܐ ܠܟܘܢ ܘܒܰܫܡܟܘܢ ܫܘܳܬ ܠܐܝܩܖ̈ܬܟܘܢ ܘܠܟܠܗܘܢ ܥܰܡܘܼ̈ܠܬܳܢܶܐ ܗܿܢܘܢ ܕܫܳܗܪܝܢ ܘܥܳܡܠܝܼܢ ܡܛܠ ܡܰܚܝܳܢܘܼܬܐ ܕܠܫܢܐ ܣܘܪܝܝܐ ܘܝܳܪܬܘܬܗ ܢܨܝܼܚܰܬ ܫܪܒܐ. ܘܕܝܼܠܳܢܐܝܬ ܠܗܳܢܘܢ ܕܡܶܬܥܰܙܶܝܢ (ܬܢܳܢ) ܒܐܬܪܰܢ ܫܺܝܼܬܳܢܳܝܐ. ܘܰܡܦܝܣ ܐ̱ܢܐ ܕܢܬܗܕܪܘܢ ܘܢܨܛܒܬܘܢ ܣܕܖ̈ܝܢ ܡܰܖ̈ܕܘܼܬܢܝܐ ܘܐܘܼ̈ܡܬܳܢܳܝܐ ܒܠܶܒܐ ܬܰܩܢܳܐ ܘܗܰܘܢܳܐ ܫܰܠܡܐ ܘܢܶܬܬܠܝܼܫܘܢ ܒܰܚܡܝܼܪܐ ܡܰܚܡܥܳܢܐ ܕܣܘܼ̈ܟܳܠܘܗܝ ܒܕܺܝܼܖ̈ܐ ܕܝܠܕܐ ܐܠܗܝܐ: ܠܣܘܼܡܣܳܡܳܐ ܕܫܘܼ̈ܡܳܬܐ. ܘܣܘܼܝܳܓܐ ܕܬܘܼܖ̈ܥܳܬܐ. ܘܩܘܼܝܳܡܐ ܕܢܰܦ̈ܝܼܠܳܬܐ. ܘܰܫܟܳܚܬܐ ܕܐܒܝ̈ܕܬܐ. ܘܰܗܦܳܟܬܐ ܕܰܚܠܝ̈ܨܳܬܐ. ܘܟܘܼܢܳܫܐ ܕܰܙܖ̈ܝܩܳܬܐ.
ܡܳܕܝܢ ܒܪܝܼܟܐ ܢܗܶܐ ܠܟܠܢ ܥܐܕܐ ܗܳܢܳܐ ܡܰܚܝܳܢܐ. ܘܬܶܬܒܰܪܟ ܫܰܢ̱ܬܐ ܚܕܬܐ 2025 ܒܛܳܒ̈ܬܐ ܘܒܘܼܖ̈ܟܳܬܐ ܕܝܰܠܕܐ ܟܕ ܙܳܠܚܳܐ ܫܰܝܢܳܐ ܘܰܫܠܡܐ ܒܥܳܡܰܪܬܐ ܘܰܒܡܰܕܢܚܳܐ. ܘܣܳܝܓܳܐ ܣܘܼܪܝܳܝܘܼܬܐ ܒܩܘܼܫܬܗ ܚܰܣܝܼܢܐ ܘܚܰܝܠܐ ܡܣܝܼܡܳܢܐ ܘܚܘܼܠܡܢܐ ܛܒܐ ܘܰܛܢܳܢܐ ܫܰܪܝܼܪܐ ܘܟܘܼܫܳܪܐ ܡܢܰܨܚܢܐ. ܐܰܝܟܢܳܐ ܕܟܽܠܢ ܥܰܡ ܟܠܢ ܝܰܬܝܼܪ ܢܺܐܬܰܪ… ܡܶܢ ܢܘܼܗܪܳܐ ܕܨܶܒܝܳܢܗ… ܘܢܶܬܥܰܫܢ ܒܚܰܘܣܳܢܗ ܦܪܺܝܼܣܳܐ.
ܘܣܟܐ ܠܡܐܡܪ: ܩܰܘܘ ܦܨܝܼܚܝܼܢ ܘܰܚܘܝܼܚܝܼܢ ܘܢܝܼܚܝܼܢ ܘܰܒܗܝܼܠܝܼܢ ܒܚܘܼܒܳܐ ܫܰܠܡܳܐ ܘܣܰܒܪܐ ܕܝܰܠܕܐ ܠܗܶܢܝܳܢܐ ܕܝܳܪܬܘܼܬܰܢ ܘܰܠܝܘܬܪܳܢܐ ܕܗܠܝܢ ܕܝܠܟܘܢ.
ܒܒܳܥܘ ܨܰܠܰܘ ܡܛܠܬܝ ܘܠܟܠܢ: ܕܢܺܐܬܰܪ ܘܢܰܘܬܰܪ ܒܗܳܠܶܝܢ ܕܬܶܫܡܫܬܐ ܕܢܘܼܦܳܫܳܐ ܘܛܘܼܥܳܡܳܐ ܕܠܫܢܐ ܣܘܪܝܝܐ ܘܣܶܦܪܳܝܘܼܬܗ ܥܰܬܝܼܪܬܐ.
23 ܟܢܘܢ ܩܕܝܡ 2024 ܡܪܕܝܢ ܡܕܝܢܬܐ ܥܬܝܩܬܐ.
ܡܝܩܪܢܟܘܢ
ܝܘܣܦ ܒܓܬܫ
