ܪܽܘܼܨܳܢܳܐ ܪܶܥܝܳܢܳܝܳܐ
ܪܽܘܼܨܳܢܳܐ ܪܶܥܝܳܢܳܝܳܐ
ܡܳܢܐ ܡܰܨܝܳܐ ܕܢܶܥܒܕܘܿܢ ܙܰܠܓ̈ܶܐ ܨܰܡܘ̈ܚܶܐ ܕܫܶܡܫܳܐ ܠܗܿܘ ܕܗܽܘܼ ܒܐܝܼܕܶܗ ܣܳܟܰܪ ܬܰܪܥܳܐ ܘܟܰܘ̈ܐ ܕܒܰܝܬܗ؟
ܡܶܟܳܐ ܠܐ ܡܰܓܼܰܪ ܘܐܳܦܠܐ ܡܩܰܘܐ ܥܰܡܰܢ ܡܫܝܼܚܳܐ ܐܠܐ ܕܚܢܢ ܢܦܘܼܫ ܘܢܰܓܰܪ ܥܡܗ. ܘܐܢܗܘܼ ܕܒܳܥܝܢܢ ܕܢܦܣܘܿܩ ܨܰܘܬܳܐ ܘܢܶܥܒܶܕ ܦܰܘܫܳܐ ܒܫܶܡܥܳܐ ܕܐ̱ܢܳܫܘܼܬܐ܆ ܙܕܩ ܕܢܶܦܬܰܚ ܬܰܪܥܰܢ ܕܢܶܥܘܼܠ ܠܒܝܰܬܰܢ ܘܰܢܒܘܼܬ ܥܰܡܰܢ. ܘܰܢܟܰܬܰܪ ܥܰܡܗ ܕܐܦ ܗܘܼ ܢܩܰܘܐ ܥܰܡܢ.
ܘܐܠܐ ܡܫܰܐܠ ܒܝܰܘܡܳܐ ܐ̱ܚܪܳܝܳܐ: ܐܶܬܝܬ ܘܰܣܥܰܪܬܳܟ ܕܐܰܢܺܝܼܚܳܟ. ܐܠܐ܆ ܠܐ ܚܙܺܝܼܬܳܟ ܒܒܰܝܬܳܟ. ܘܦܳܐܫ ܗ̱ܘܝܬ ܥܰܡܟ. ܐܠܐ܆ ܐܰܢ̱ܬ ܠܐ ܝܕܰܥܬ ܢܰܦܫܳܟ. ܨܳܒܶܐ ܗ̱ܘܝܬ ܕܐܶܗܘܶܐ ܥܰܡܳܟ. ܐܠܐ܆ ܐ̱ܰܢܬ ܥܡ ܡܿܢ ܐܝܬܝܟ ܗ̱ܘܰܝܬ؟
ܡܫܝܼܚܳܐ ܡܿܢ ܐܶܬܐ ܘܣܰܥܪܢ ܒܕܺܝܠܗ ܐܰܝܟܰܢܐ ܕܢܶܡܙܘܿܓ ܣܘ̈ܟܳܠܐ ܡܬܘ̈ܡܳܝܐ ܕܪܘܼܚܳܐ ܒܣܘ̈ܟܳܠܐ ܬܢܳܢ̈ܳܝܐ ܕܢܰܗܦܶܟ ܘܢܶܬܠ ܠܢ ܚܘܼܒܐ ܘܫܰܝܢܐ ܘܐܝܩܪܐ ܘܫܘܼܒܚܐ ܘܚܰܘܣܳܢܐ ܓܰܘܳܝܐ ܡܛܠ ܬܘܼܩܳܢܐ ܕܒܰܪܢܫܐ ܒܰܪܳܝܐ: ܚܰܕܬܐ. ܘܩܰܕܶܡ ܘܶܐܬܐ ܠܘܳܬܢ ܘܣܰܥܪܰܢ ܒܕܝܼܠܢ ܐܝܟܢܐ ܕܰܢܛܰܥܶܡ (ܘܰܢܦܰܛܪܶܡ) ܝܰܨܪܰܢ ܒܕܝܼܠܳܝ̈ܬܗ ܘܢܶܥܒܕ ܠܗ ܒܓܰܘܰܢ ܕܘܼܟܬܐ ܙܥܘܿܪܬܐ ܕܢܶܫܪܐ ܒܗܿ ܘܢܶܬܬܢܺܝܼܚ ܘܢܶܬܒܰܣܰܡ ܒܗܿ. ܘܰܚܢܰܢ ܢܶܣܥܪܺܝܘܗܝ ܬܰܡܢ ܒܕܝܠܗ ܡܛܠ ܬܘܼܩܳܢܐ ܘܒܘܼܣܳܡܳܐ.
ܒܕܝܠܢ ܐܶܬܐ܆ ܘܠܐ ܐܶܣܬܰܟܠܢܝܗܝ!
ܘܐܰܝܟܰܢ ܡܶܣܬܰܟܠܝܼܢ ܗ̱ܘܝܢ ܟܕ ܒܕܝܠܗ ܐܳܬܐ ܘܣܳܥܪ ܗ̱ܘܐ ܠܢ؟
ܘܥܡ ܗܕܐ ܩܰܬܝܼ̈ܬܳܢ ܥܝ̈ܢܘܗܝ ܘܐܰܡܝܢܳܐܝܬ ܡܣܰܟܐ ܕܢܶܣܥܪܝܘܗܝ ܐܝܟܢܐ ܕܢܶܬܶܠ ܠܰܢ ܚܰܝܠܐ ܣܰܟܘܼܠܬܳܢܐ ܕܗܿܘ ܡܐ ܕܚܳܫܰܚ ܠܬܘܼܠܡܳܕܐ ܕܝܰܨܪܢ ܘܬܰܪܒܝܼܬܰܢ ܘܡܰܪܕܝܬܰܢ.
ܗܝ ܗܕܐ ܒܳܥܐ ܚܰܨܝܼܦܳܐܝܬ ܘܰܡܣܰܟܐ ܪܰܗܝܳܐܝܬ ܡܛܠ ܗܶܢܝܳܢܐ ܕܬܰܩܢܘܼܬܰܢ ܘܒܰܣܝܼܡܘܼܬܰܢ ܘܢܝܼܚܘܼܬܰܢ. ܡܛܠ ܕܰܒܨܝܼܪܘܼܬܢ ܘܰܣܦܝܼܩܘܼܬܢ ܓܰܘܳܝܬܐ ܠܐ ܡܶܬܡܰܠܝܳܐ ܒܩܰܢܝ̈ܳܬܳܐ ܘܒܰܪ̈ܳܝܳܬܳܐ ܕܪܳܕܦܝܼܢܢ ܒܳܬܰܪܗܝܢ. ܐܠܐ ܒܡܰܠܝܘܼܬܐ ܕܚܘܼܒܗ ܘܦܳܪܘܿܫܘܼܬܐ ܕܚܰܘܣܳܢܗ ܫܦܺܝܼܥܐ.
ܡܛܠܗܕܐ ܩܰܕܡ ܘܐܡܼܪ: «ܛܘܒ̈ܝܗܘܢ ܠܡܣ̈ܟܢܐ ܒܪܘܚ ܕܕܝܼܠܗܘܢ ܗ̱ܝ ܡܰܠܟܘܼܬܐ ܕܰܫܡܰܝܐ» (ܡܬܝ 5: 3).
ܐܬܐ ܠܘܳܬܢ ܘܣܰܥܪܢ ܒܕܝܠܢ ܠܰܡܫܰܘܙܳܒܘܼ ܠܢ ܡܼܢ ܦܠܺܝܼܓܽܘܼܬܐ ܘܣܰܩܘܼܒܠܳܝܘܼܬܐ ܓܰܘܳܝܬܐ ܡܫܰܚܩܳܢܝܼܬܐ ܘܠܡܶܬܰܠ ܠܢ ܬܰܪܥܘܼܬܐ ܓܰܘܳܝܬܐ. ܘܰܠܡܰܠܦܘ ܠܢ ܐܘܼܪܚ ܥܘܼܫܳܦܳܐ ܘܥܘܼܕܳܕܐ ܕܝܰܥܪ̈ܐ ܘܙܝ̈ܙܳܢܐ ܡܰܟܝ̈ܳܢܐ ܕܐܰܘܥܺܝ ܘܡܰܘܥܶܐ ܘܐܰܦܪܰܥ ܘܡܰܦܪܰܥ ܨܝܠܐ ܐ̱ܢܳܫܳܝܳܐ ܒܚܰܩܠܐ ܕܡܰܚܫܰܒܬܢ. ܐܠܐ ܐܟܡܐ ܕܡܬܬܡܝܼܫܐ ܒܙܰܒܢܐ ܗܢܐ ܡܰܪܥܳܐ ܕܰܠܝ̈ܠܐ ܐܢܘܢ ܕܐܙܠܝܼܢ ܠܘܬܗ ܘܣܳܥܪܝܢ ܡܰܣܥܳܪܐ ܐܘ ܒܝܬ ܟܪ̈ܝܗܐ ܕܝܠܗ. ܕܣܘܿܓܐܐ ܠܐ ܨܳܒܝܢ ܒܫܘܼܒܳܚܳܐ ܕܟܳܬܒܳܐ ܨܶܒܥܐ ܕܐܳܣܝܘܼܬܗ ܒܪܺܝܼܟܬܐ ܘܰܒܦܘܪ̈ܓܳܠܐ ܕܠܶܫܢܗ ܐܠܗܳܝܐ. ܘܐܦܠܐ ܪܳܥܶܝܢ ܒܡܘܼܕܳܟܐ ܕܕܰܪ̈ܡܳܢܐ ܡܢܝܼ̈ܚܳܢܐ ܕܨܰܝܕܠܳܝܬܗ.
ܣܳܟܐ ܠܡܺܐܡܰܪ: ܩܳܐܠ ܛܰܥܢܳܐ ܕܡܶܬܛܥܶܝܢ ܒܰܫܪܳܪܳܐ ܒܰܣܝܼܡܳܐ ܕܪܘܼܚܳܐ. ܘܰܦܨܺܝܼ̈ܚܐ ܘܰܕܟܺܝܪ̈ܐ ܦܳܝܫܺܝܼܢ ܗܿܢܘܢ ܕܕܳܟܪܺܝܼܢ ܘܛܳܥܢܝܼܢ ܘܒܳܕܩܺܝܼܢ ܘܥܳܒܕܺܝܼܢ ܘܰܡܫܰܡܠܶܝܢ!
ܝܘܣܦ ܒܓܬܫ
ܚܘܕܪܐ ܕܡܪܕܘܬܐ ܘܣܦܪܒܘܬܐ ܕܠܫܢܐ ܣܘܪܝܝܐ. ܡܪܕܝܢ