ܬܰܘܦܺܝܼܬܳܐ

ܬܰܘܦܺܝܼܬܳܐ [1]

ܠܰܝܬ ܠܳܗܿ ܚܽܘܼܣܪܳܢܳܐ ܘܣܽܘܼܪܚܳܢܳܐ ܘܦܽܘܼܪܫܳܢܳܐ ܠܬܰܘܦܺܝܼܬܳܐ.

ܒܰܕ ܐ̱ܪܳܙܳܐ ܐܺܝܼܬܶܝܗܿ ܕܐܳܚܶܕ ܒܺܐܝܼܕܳܐ ܕܚܽܘܼܒܳܐ ܒܰܣܦܳܪ̈ܶܐ ܕܙܰܒܢܳܐ.

ܠܐ ܛܳܠܶܩ ܫܽܘܼܢܳܩܳܗܿ ܡܼܶܢ ܠܶܒܰܘ̈ܳܬܳܐ܆ ܘܐܳܦܠܳܐ ܦܽܘܼܢܳܩܳܗܿ ܥܳܪܶܒ ܡܼܶܢ ܥܽܘܼ̈ܗܕܳܢܶܐ.

ܚܰܫܗܿ ܡܿܰܢ ܚܶܟܡܬܳܐ ܪܳܐܶܣ܆ ܘܚܰܕܘܗܿ ܕܶܝܢ ܢܽܘܼܗܪܳܐ ܣܳܐܺܡ ܒܢܰܦ̈ܫܳܬܳܐ.

ܬܰܘܦܺܝܼܬܳܐ ܠܰܝܬܶܝܗܿ ܚܰܒܠܳܐ ܦܣܺܝܼܩܳܐ.

ܐܶܠܳܐ ܛܽܘܼܪܳܐ ܗ̱ܝ ܥܶܠܳܝܳܐ ܕܩܳܐܡ ܥܰܠ ܩܽܘܼܫܬܳܐ ܕܙܰܒܢܳܐ ܕܰܥܒܰܪ.

ܗܳܢܳܐ ܕܠܳܐ ܡܶܬܚܙܶܐ ܐܶܠܳܐ ܒܪܰܡ ܐܰܡܺܝܼܢܳܐܝܼܬ ܫܟܺܝܼܚ ܗ̱ܽܘ ܬܰܡܳܢ.

ܠܡܺܐܢܳܐ ܚܰܦܝܳܐ ܐܺܝܼܬܶܝܗܿ ܒܓܰܘ ܠܶܒܳܐ ܕܒܰܪܢܳܫܳܐ ܒܠܺܝܼܠܐ.

ܬܰܘܦܺܝܼܬܐ ܡܿܰܢ ܒܰܙܒܰܢ ܨܠܽܘܼܬܳܐ ܗ̱ܝ ܫܰܬܺܝܼܩܬܳܐ.

ܘܒܰܙܒܰܢ ܕܶܝܢ ܗܰܒܳܒܳܐ ܕܫܳܘܰܚ ܘܝܳܪܶܒ ܒܫܶܬܩܳܐ ܗܳܢܳܐ.

ܠܰܝܬܶܝܗܿ ܩܰܪܺܝܼܒܬܳܐ ܘܐܳܦܠܳܐ ܪܰܚܺܝܼܩܬܳܐ.

ܘܠܳܐ ܡܶܬܚܰܒܫܳܐ ܬܚܶܝܬ ܡܰܥܒܕܳܢܘܼܬܳܐ ܕܙܰܒܢܳܐ ܘܕܽܘܼܟܬܳܐ. 

ܘܚܽܘܼܒܳܗܿ ܪܰܒ ܗ̱ܽܘܼ ܥܕܰܡܳܐ ܠܗܿܳܝ ܕܠܐ ܫܳܒܶܩ ܘܐܳܦܠܳܐ ܥܳܪܶܒ.

ܒܪܽܘܼܚܗܿ ܓܶܝܪ ܛܡܺܝܼܪܳܐ ܐܽܘܼܣܺܝܰܐ ܕܚܰܝ̈ܶܐ.   

ܘܢܺܝܼܚ ܓܰܘܣܳܐ ܕܐܶܣܳܪܳܗܿ ܚܶܪܝܳܝܳܐ ܠܒܰܪܢܳܫܳܐ ܫܰܪܺܝܼܪܳܐ ܕܒܶܗ ܡܶܫܬܰܡܠܶܐ ܒܽܘܼܪܢܳܫܶܗ.

ܘܡܶܫܬܰܚܠܰܦ ܘܗܳܘܶܐ ܒܰܕܡܽܘܼܬ ܢܰܗܪܐ ܟܰܕ ܓܳܐܰܚ ܘܪܳܕܶܐ ܠܰܐܦ̈ܰܝ ܚܶܫܽܘܼ̈ܟܳܬܳܐ ܟܰܪ ܕܦܳܓܰܥ ܘܡܶܬܒܰܣܰܡ ܒܢܽܘܼܗܪܳܐ ܕܩܶܠܳܝ̈ܳܬܳܐ ܕܚܰܝ̈ܐ.

ܠܰܝܬ ܠܳܗܿ ܚܽܘܼܣܪܳܢܳܐ ܘܣܽܘܼܪܚܳܢܳܐ ܘܦܽܘܼܪܫܳܢܳܐ ܠܬܰܘܦܺܝܼܬܳܐ.

ܒܰܕ ܐ̱ܪܳܙܳܐ ܗ̱ܝ ܩܰܕܺܝܼܫܳܐ ܕܒܶܗ ܩܳܝܡܺܝܼܢ ܘܬܳܩܢܺܝܼܢ ܣܽܘܼ̈ܟܳܠܐ ܦܫܺܝܼ̈ܩܶܐ ܘܰܦܫܺܝܼ̈ܛܶܐ ܕܚܰܝ̈ܶܐ.

 

ܝܰܘܣܶܦ ܒܶܓܬܰܫ

ܚܘܕܪܐ ܕܡܪܕܘܬܐ ܘܣܦܪܝܘܬܐ ܕܠܫܢܐ ܣܘܪܝܝܐ. ܡܪܕܝܢ

 

  

[1] ܬܰܘܦܺܝܬܳܐ ܡܿܰܢ ܠܳܐ ܡܶܫܬܰܟܚܳܐ ܒܰܣܝ̈ܳܡܶܐ ܐܰܒ̈ܳܗܳܝܶܐ ܒܳܗܿ ܒܰܕܡܽܘܼܬܳܐ ܕܰܚܫܰܠܬܳܐ ܗܳܕܶܐ.  ܒܰܕ ܠܰܙܒܰܢ̱ܬܳܐ ܩܰܕܡܳܝܬܳܐ ܡܶܬܚܰܫܠܐ ܘܡܶܬܕܰܪܫܳܐ ܠܡܶܬܰܠ ܣܽܘܼܟܳܠFİDELİTY  ܐܶܢܓܠܺܝܼܫܳܐܝܼܬ. ܘܣܽܘܟܳܠ VEFA ܬܽܘܼܪܟܳܐܝܼܬ. ܘܩܰܢܝܳܐ ܣܽܘܼܟܳܠܐ ܡܝܰܬܪܳܐ ܘܝܘܼܐܳܒܳܐ ܟܰܣܝܳܐ ܘܓܰܠܝܳܐ ܕܬܽܘܼܟܠܳܢܳܐ ܘܗܰܝܡܳܢܽܘܼܬܐ ܘܐܰܣܺܝܼܪܽܘܼܬܳܐ ܫܰܪܺܝܼܪܬܳܐ ܗܿܳܝ ܕܡܶܬܒܰܣܡܳܐ ܒܫܽܘܼܡܠܳܝܳܐ ܕܡܶܬܬܚܺܝܼ̈ܒܳܢܳܝܳܬܳܐ. . ܘܡܶܬܪܰܟܢܳܐ ܠܐܰܦ̈ܰܝ ܐܺܝܼܩܳܪܳܐ ܘܚܽܘܼܒܳܐ ܛܳܒܳܐ ܕܥܳܒܽܘܿܕܳܐ ܒܰܚܢܳܢܳܐ ܕܠܶܒܳܐ ܘܗܰܘܢܳܐ. ܘܰܡܙܺܝܼܥܳܐ ܡܝܰܩܪܳܢܽܘܼܬܳܐ ܘܡܰܘܕܝܳܢܽܘܼܬܳܐ ܚܽܘܼܫܳܒܳܐܝܼܬ ܘܣܽܘܼܥܪܳܢܳܐܝܼܬ ܒܥܰܡܠܰܐ ܕܛܰܝܒܽܘܼܬܳܐ. ܘܨܳܠܝܳܐ ܠܡܶܓܡܰܪ ܘܰܠܡܶܦܪܰܥ ܚܽܘܼ̈ܒܠܶܐ ܛܳܒ̈ܶܐ ܒܗܿܰܘ ܡܳܐ ܕܰܡܝܰܬܰܪ ܘܫܰܦܺܝܼܪ ܒܐܽܘܼܪܰܚ ܟܐܺܢܽܘܼܬܳܐ ܘܰܬܪܺܝܼܨܽܘܼܬܳܐ ܕܰܡܢܰܟܪܝܳܐ ܡܼܶܢ ܐܶܢܳܢܳܝܽܘܼܬܳܐ ܕܠܺܝܼܚܬܳܐ.